متعوسة و محروسة

المزيد

المزيد

المزيد

تانى يا عم سيد …!!!

* صباح الفل يا عم سيد

*صباح الورد يا باشا .. يا أهلا ياأهلا يا أهلا .. بقى كده يا باشا بعد ما أظبطلك المسائل تبعت تاخد الترخيص و لا اشوفك و لا اسمع صوتك من يومها

* معلهش يا عم سيد مشاغل ذى مانت عارف … مندوبى موش جالك

* جالى يا باشا و كتر خيرك طول عمرك راجل كريم

* شوف يا عم سيد الطلب المرة دى أكبر حبتين .. أنا عايز أرض الهيئة الفاضية اللى ع النيل سواء أيجار و لا بيع وشرا .. سكة مين دى بقى محسن بيه و لا عطية بيه ؟

* شوف يا باشا كل حاجة ف الدنيا تخصصات و اختصاصات .. و كمان حدود .. ماسمعتش سيادتك عن التسلسل الوظيفى ؟؟ كل واحد يلزم حدوده لتتكسر رقبته .

* يا عم فوق كل ذى علم عليم و منكم نستفيد يا عم سيد

* يعنى مثلا لو الهيئة عايزة تشترى حاجة بعشرة آلاف ممكن المدير العام يشتريها بالأمر المباشر .. وكيل الوزارة اكتر و و وكيل أول أكتر و اكتر .. لو الموضوع كبر يبقى مناقصة عامة و لا محدودة و برضه اختصاصات

* انا عايز الارض يا عم سيد

* اقل من نصف مليون العطا سلطة المدير العام .. اكتر من نصف مليون سلطة وكيل الوزارة لغاية عشرة مليون و معاه وكيل أول …

* و لو اكتر من كده

* يا باشا متوقعنيش فى غلط انا راجل عجوز و غلبان .. كل برغوت على قد دمه و و كل واحد يلعب فى ملعبة و اللى يكسر قواعد اللعبة يتكسر عضمه

* ايه يا عم سيد هو انا داخل عركة  

* الحق عليى دا عيش و ملح و شاى و قهوة .. دى اصول اللعبة يا باشا يعنى مثلا واحد يتخطى حدوده و يظبط نفسه و ينسى اللى فوقه و اللى حواليه .. ده تبقى مصيبته سودة و القانون ده ماشى على الكبار ذى الصغيرين الغلابا اللى انا اعرفهم نسيت اللى حصل لمحيى الدين الغريب و لا احمد رشدى..؟؟

* سيبك م السياسة يا عم سيد و عايز مصلحتى خلينا فى البيزنس انت يا عم غاوى سياسة شوفلك مظاهرة اسرح فيها

* فكرتنى بالمظاهرات يا باشا أبويا الله يرحمه قالى و انا صغير أعلى انتاجية للقطن عند الفلاح المصرى عارف كانت سنة كم ..؟؟

* كم ؟؟

* سنة 1919

* سنة الثورة …!!!

* آه … ماهى الناس اللى فوق دول موش هبلة و نايمة و لا بيلعبوا دول قاعدين فى العلالى و كاشفين كل حاجة و احنا تحت كده ذى الفران و هما بقى عندهم كل المحابس .. لو لقوا الناس اتخنقت قوى قوى يهووا المحابس شوية .. لقوهم رحرحوا بقى و ح يتكلموا و

المزيد

تظبطنى ……. أظبطك

·    صباح الخير يا عم سيد

·    صباح الخير يا أستاذ

·    واحد شاى يا عم سيد

·    جاهز يا أستاذ

·    خلى الباقى علشانك يا عم سيد

·    دول خمسين جنيه يا بيه … كتير …!!!

·    موش كتير عليك يا عم سيد

·    يعمر بيتك و يرزقك برزق الحلال يا باشا

·    عايز أسألك على حاجة يا عم سيد

·    تأمر يا باشا

· المهندس محسن المدير أسهل و لا النائب بتاعه المهندس عطية  ف التعامل ؟

·    علشان أيه لومآخذة يا باشا . ؟

· عايز ترخيص أستغلال أرض م الوزارة و لازم هو و الأدارة عندكم توصى بالموافقة علشان الموضوع يمشى

·    أقولك نصيحة أبعد عن عطية بيه ده راجل حنبلى

· تعرف يا عم سيد أن الأمام أحمد بن حنبل الله يرحمه و يرضى عنه مظلوم دايما معانا ده الله يرحمه أتحمل العذاب و الجلد و الهوان و ماكانش أبدا بيعقد الناس و لا عمره كان متشدد فى الحياه … فقط فى أمور العقيدة و التوحيد لأن دى مفيهاش هزار .

· و الله ماعرف يا باشا ربنا يكفينا شر الظلم و الظلمة و كفاية اللى بنلاقيه ليل و نهار ف الشغل مظلوم و بننطحن بملاليم و ف البيت ظلم م العيال و أمهم اللى موش بيرحموا و لا داريين باللى انا فيه … ما علينا أنا لقيت الناس بتقول كده و خلاص .

·    ماشى يا عم سيد بلاش عطيه بيه طب و المدير …

·    لا محسن بيه ده راجل مفتح و سلكاوى و جدع …

·    بس ده مربى دقنه يا عم سيد …!!!

· سبحان الله يا أستاذنا … مال دى و مال دى يا باشا الراجل يؤم الناس فى صلاة الضهر ف الشغل و بيصوم تطوع كتير و كل سنة بيروح عمرة رمضان ميفوتهاش أبدا مهما حصل …

· ما علينا يا عم سيد ح اروح دلوقتى له أسلم عليه و أشرحله الطلب و لما المكتب يفضى أبقى أراضيه

·    يا خبر أسود ….. أوعى تعمل كده ..

·    طب ليه يا عم سيد موش أنت اللى شورت عليا …

· لوما آخذه يا بيه هو أنت جديد ف الشغل يعنى متآخذنيش موش عايز أقول غشيم كار لتزعل منى .

· ليه بس أنا لو غشيم كنت رحت عليه دوغرى و فعلا جت فترة كنت بعمل كده لقيت كل واحد فى أى منصب موش محتاج أسأل عنه 

المزيد