بلاش المدونين يا عم سيد ( جـ 5 )
كتبهاعادل سعيد ، في 3 أغسطس 2009 الساعة: 07:23 ص
· هو أنت مالك و مال الكلام ده يا باشا موش قلتلى المرة اللى فاتت ماليش ف السياسة و الكلام ده ورفضت اللأنتخابات .؟
· موش أنا و الله يا عم سيد ده شريكى و اللى يهمه يهمنى و اللى يمسه يمسنى و خايف لأصبح ألاقى نفسى متورط من وراه ..
· يعنى المدون اللى عامل ثورة و دوشة و أسمه معروف ده يبقى رجل بيزنس و شريكك كمان .؟
· موش بالبظبط يا عم سيد … شريكى ده مدون على قده و عامل شغل خفيف .. الجدع اللاسع اللى أنا أديتك أسمه ده بقى يبقى صاحبه و زميله فى الهواية الغريبة دى يا أخى ..
· عالم فاضية و سكتهم لبش مالك انت و مالهم و انت راجل عندك مصالح؟
· و الله يا عم سيد آهو رغم كده الرجل موش بطال فى الشغل و عنده خبرة و أمكانيات و علاقات و أكيد بستفيد منه .. المهم قالولك أيه على صاحبه .؟
· شوف يا سيدى .. صلى الأول علىلا اللى ح يشفعلك يوم الحشر
· اللهم صلى و سلم و بارك عليك يا نبى
· الواد شحتة أبن أختى أستقص ع الموضوع بالكامل و فعلا لقى الجدع ده له أسم عندهم و ملف درجة ( د )
· درجة أيه …. ؟؟؟
· دال .. دال يا باشا .. حضرتك موش من هنا و لا أيه ..؟
· يعنى أيه يا عم سيد .؟
· درجة ( أ ) دى اللى ساعة الطوارىء ما تشد الكشف جاهز و ع الأعتقال طوالى …. قيادات الأخوان بالتبادل … الجهادية … درجة ( ب ) الصف التانى منهم … درجة ( ج ) بعض المعارضين و بتوع كفاية و كده .. دال بقى اللى صاحبك منهم ..لم سيبق أعتقالهم لكن ف الطابور .. أحتياط يعنى …
· موش صاحبى يا عم سيد الله لا يسيئك ده صاحب صاحبى ..
· ما علينا .. دول بقى اللى بيسموهم بتوع اللون الرمادى … تحت المرصاد لغاية ما يتصنفوا …
· يعنى أيه موش عارفينله أتجاه ..
· لا طبعا هو أترصد كويس و طلع جدع كده بتاع وطنية و حقوق أنسان و ثورة و كده …
· ليه موش بياخدوه ..
· لا … فيه ديمقراطية يا باشا و احنا بنعيش أزهى عصورها … ده احنا فى عصر الحريات
· يا سلام .. ما علينا المهم
· المهم أن اللى ذى ده بيراقبوه من بعيد .. آهو كلام و خلاص .. و أثبات البلد فيها حريات و ديمقراطية .. لازم حضرتك تعرف أبعد عن أى تنظيم أو تخطيط و قول و أتكلم و أعمل ذى ما انت عايز .. خصوصا الأخوان المسلمين ..
· أيشمعنى ..؟؟
· هو الأمن بتاع أيه يا باشا .. ؟ أمن البلد ..؟ أمن النظام و مفيش غير دول خطر ع النظام …
· يعنى الجدع ده ف الأمان .؟
· لغاية دلوقتى آه .. لكن سمعتهم بيقول أنه بدأ يخبط ف الحلل و يكب السمنة ع الأرض و كده ..
· أذاى يا عم سيد .؟
· يعنى لما يبالغ ف التلبيخ فى النظام موش برضه يبقى تجاوز ؟.. ماشى و كمان طلع بره الحدود و عمال بيعك .. كانوا خايفين لحد يكلمهم من وراء النهر الصغير و يقولهم لموا الواد ده … ساعتها موش ح يسيبوه و إلا يبقى تصريح كل الجيران يلبخوا فينا بقى و ف النظام بتعاعنا لا أيه .؟
· يعنى الخلاصة يا عم سيد الجدع ده معرفته خطر .؟
· و الله يا باشا ما بعرف قوى أنت عارف الناس دول بحورهم غويطة ..
. يعنى بيحبسوا المدونين لو هرفطوا فى الكلام و لا لأ ..؟
. لغاية دلوقتى لأ …
. لكن فيه ناس أتحبست فعلا …
. علشان أخوان يا باشا موش علشان مدونين … سبب الحبس أخوان
· و شحتة قالك أيه تانى .؟
· حكالى ع الجدع اللى عامل خبلان عندهم ده .. من حى ما لقاهم يضحكوا …
· مين .؟ و ليه .؟ , أذاى .؟
· أظرف حاجة الكل نازل مسخرة عليه .. يا تخين .. يا تقيل .. يا أبو موش عارف أيه .. يا اللى صفتك يا اللى نعتك .. فاكرينه نص طن طلع بيقول تسعين كيلوا يا ولداه و كلهم بيضحكوا على خيال و هو بقى الوحيد اللى بيضحك بجد …
· مين ده يا عم سيد ..
· واحد م المهاويس اللى انت سألت على واحد منهم دول ..
· طب و هما بيعرفوا الحاجات دى كلها منين يا عم سيد ده فضاء مطلوق .. يعنى ممكن تراقب واحد فى محطة مصر و صعبة شوية .. إذاى يراقبوا واحد ف السما ..؟
· شوف يا عمنا … زميل شحتة ده يعنى أمين شرطة ذيه .. ماسك شوية مواقع متابعهم و طول ماهو حاسس أن الموضوع خفيف يمشى الحال أول ما يحمر يبلغ الظابط الصغير بتاعه و هو يعمل اللازم و الواد طلع أبن لذين .. راهنهم أن نتايجه م المتابعات لو حولوها تحريات لازم تطلع صح
· أذاى .؟
· يعنى الجدع ده اللى فاكرينه تخين فضل متابعه ع النت .. قالهم ده بيشتغل حاجة كده ذى مدير طب علاجى و لا أنتقالى و لا ماعرف .. و طلع كذا سنة أعارة ف الخليج و معاه قرشين كويسين حططهم وديعة ف البنك و كمان ضبط بيهم كام واحد ف الوزارة .. هو دخل المهنة دى أصلا غلط ذى بنت أختك اللى كل يوم تعاتب أبوها انه دخلها طب و كان نفسها فى صيدلة … كان المفروض يبقى أدبى حاجة كده م اللى بتكرر كل يوم علشان بر الوالدين … الجدع ده بقى مالوش شغلة خاصة بعد الضهر غير النت و العيال و شوية أصحاب و مراته تتعارك معاه علشان كده ..و كل خناقاتهم لأجل السبب ده .. و كمان و هو ف شغله يادوب يمضى شوية ورق و اللاب توب جنبه يقرا و يكتب و يتابع .. دماغه بايظة حبتين لكن صاحى .. راسم على وكيل وزارة ما هو خد ع الوظيفة بلا وجع قلب … موش عايز حد يعرفه ليكعبله ف السكة ..
· يااااااااااه يا عم سيد كل ده أمين شرطة عرفه م المتابعة أومال لو الظابط كان عرف أيه .؟
· و الله لقوا معظم كلام الواد طلع صح و كسب الرهان ماجابش الظابط حاجة زيادة غيرش حتة الوزن دى اللى فطستهم م الضحك .
· زرتك ابن اختك قبل كده هناك يا عم سيد .؟
· كتير
· ما سمعتش حاجة كده و أصوات و كلام من ده .؟
· قصدك ع العروسة .؟
· عروسة أيه .؟
· لا … سيبك .. أنسى .. الكلام ده بيكون بعيد يا باشا موش جنب المكاتب الفخمة و لعلمك بقى الناس دى أكتر عالم ف الوزارة كلها ولاد ناس و متربيين و كمان متدينين و يحافظوا ع الصوم و الصلاة و كمان القرآن .؟
· موش واسعة حبتين دى يا عم سيد .
· موش فيه حاجة فى الجيش أسمها التوجيه المعنوى .؟ يعنى اللى بيخدم لازم يقنعوه بالحرب اللى داخلها لأجل الله و الوطن أومال ح يحارب أذاى و ممكن يموت فيها .؟
· لكن دول موش ح يحاربوا ..
· آه .. الناس دى بقى أول ما تخدم لازم يشربوا فى دمهم الحفاظ على النظام و أعداء النظام دول وحشين و لو سبناهم يخربوها .. آه .. كده .. حاجات ذى كده .. بيكونوا مقتنعين بيها أكتر م اللى ف الجيش .. مؤمنين … مؤمنين يا باشا …
· ممممممم … مؤمنين …!!!!
· تمام يا باشا مؤمنين …. مؤمنين … مؤمنين بالله و الوطن و النظام
· على كده يا عم سيد كل حاجة مرصودة فعلا .؟
· على رأى الدكتور عاطف عبيد الله يرحمه بنعرف دبة النملة و الله ده كان أطيب رئيس وزرا موش عارف ماكانش عاجبنا ليه وقتها …
· قصدك عاطف صدقى يا عم سيد .. عاطف عبيد حى يرزق
· بالظبط كده .. عاطف و عاطف .. موش حتى من أسمهم الأصول جايين علشان يعطفوا ع الغلابا موش يقلبوهم و ينشفوا جيوبهم ..
· عم سيد يعنى هما شايفين المدونين خطر …
· و أى خطر يا باشا … لكن ..
· لكن أيه .؟
· لسة الخطر جاى .. موش دلوقتى … لكن جاى يا باشا
ـــــــــــــــــــــــــــــــــــــــــــــــــــــــــ
التصنيفات : مع عم سيد | أرسل الإدراج | دوّن الإدراج
أغسطس 3rd, 2009 at 3 أغسطس 2009 7:43 ص
طبعا عم سيد موش معقول ح يحيب تقرير عن كل المدونين …
هو أتكلم عن واحد مصر أنه يتحبس و الناس موش عايزة تريحه يمكن سمع عن العروسة و الجو الشاعرى و يتمنى يجربه
و التانى مثار جدل و مناوشات و مشاكل كتير ..
لكن أنا بقى عندى تقارير عن مدونين كتير …
“”"
أغسطس 3rd, 2009 at 3 أغسطس 2009 7:51 ص
صديقى المستفز …
“”"”"”"”"”"”"”"”
عندما تتابعه فى يومى أجازة نهاية الأسبوع و هو يعيش بعيدا مع زوجته و ولديه بكل كيانه يتبادل أطراف الحديث و يلهو و يمرح تظنه لا يحمل شيئا من هموم الدنيا و هو موظف متوسط الحال … و عندما تتابعه و هو يعمل و حوله الأجهزة و المساعدين و لا يلتفت إلى سواهم و له دور مؤثر فى مؤسسته و توجهاته تغير مسارات كثيرة تظنه بالفعل متفرغ لهذا العمل ليل نهار …
ثم تابعه بعد ذلك و هو وسط أطنان الكتب و المراجع و لا يتوه و كامل التركيز تظنه باحث محترف هذا هو عمله و مصدر رزقه الوحيد ..
و عندما يختلس لحظات يمارس فيها هوايته وسط كل ذلك و تجده خلالها أيضا يعيشها بعقله كاملا و يضع بها بصمة لا تمحى
أن تابعت كل ذلك فسوف تصدقنى القول و تقول معى
بالفعل
هو ……
رجل مستفز ….
“”"”"”"”"”"
“”"”"
أغسطس 3rd, 2009 at 3 أغسطس 2009 7:56 ص
أختنا الأولى ..
“”"”"”"”"”"”"”
يأتى لقب الأولى من أسمها ……
يدق جرس الباب ..” ألحقينا يا طنا .. شوفتى يا عمتو أخوكى عمل معانا أيه .. تعالى انتى بقى اتصرفى .. ” …
و بعد شوية يدق الهاتف … ” بقولك أيه .. أنا مشيت ورا كلامك و لسه جوزى ماتعدلش .. يعنى أكمل على مسئوليتك و لا أعمل أيه …. ” …
تعمل أيه المسكينة .. و كمان عندها شغل .. و الشغل ده أنسانى بالدرجة الأولى و يستنزف المشاعر و الأعصاب قبل الوقت …. و كمان لو الهواية مفيدة و مؤثرة …
يعنى هو يا ناس العقل و الحكمة كده يبقوا حمل ع الواحد .. موش برضه جوزى و ولادى لهم حقوق يا عالم ..
؟؟؟
“”"
أغسطس 3rd, 2009 at 3 أغسطس 2009 8:00 ص
صديقنا المودى اللاسع …
“”"”"”"”"”"”"”"”"”"”"”
واحد بتاع شعر و زجل …
موهوب
موهوب
موهوب
الناس الشعرا دول لهم مشاعر خاصة و تحكمهم العواطف قبل العقل
البيزنس و السوق عكس كده تماما
مالك انت بقى و مال البيع و الشرا و الذى منه
واحد اشترى منه حاجة … سمع منه كلمتين حلوين و الأهبل يصدق و دخلنا ف الحساب شوية و يلاقى وش تانى خالص .. الوش الجبس أرحم منه ..
يكتئب ..
مانت اللى خايب …
روح شوفلك دار نشر و لا حاجة تنفعك
دانت البعيد ناس اقل منك مية مرة و عمل دار نشر موش يتنشرلهم
؟؟؟
أغسطس 3rd, 2009 at 3 أغسطس 2009 8:06 ص
ما قصدته من أدراجى هذا ….
هو أنه بعد حوالى العامين متوسط ..
أعتقد أنه بالنسبة للغالبية لم يعد عامل أفتراضى …
و الأمثلة الخمسة التى ذكرتها لم أقابل منهم إلا واحد فقط للأسف الشديد …و للأسفين …
أولا كم كنت أحب أن أملك الوقت و الظروف للقاء الباقين ..
و الثانى اللى قابلته ده بقى وجع دماغ و صدالع و شبهة ..
و يبقى سؤالان …
1
هم مين ..؟
2
كلامى صح و لا لأ ..؟
“”"
أغسطس 3rd, 2009 at 3 أغسطس 2009 8:47 ص
الاولى يا عادل
هاقرا وارجعلك
شوفت تقولى تعالى اجى جررررى
هههههه
طاعه
مافيش بعد كده
أغسطس 3rd, 2009 at 3 أغسطس 2009 8:50 ص
الاستاذ الفاضل عادل سعيد
صباح الخير
أغسطس 3rd, 2009 at 3 أغسطس 2009 8:55 ص
عادل سعيد
مش عايز تزورنى
ههههههههههههههه
هتزورنى هتزورنى
حتى على سبيل معرفة الشىء
صح كلامى
ولا ايه يا حاج عادل
مصرىىىىىىىىىىىىىىىىىىىىى
أغسطس 3rd, 2009 at 3 أغسطس 2009 9:19 ص
حلو قوى اسلوب السرد
حاسه انى قاعده وسطيهم بس هما مش شايفينى
هههههه
خف شويه يا عم عادل
كده الرزع جاااامد
ربنا يستر
سلام
أغسطس 3rd, 2009 at 3 أغسطس 2009 10:49 ص
الحرية للمدونين…..!!!!!!!!!!!!!!
أغسطس 3rd, 2009 at 3 أغسطس 2009 11:14 ص
عم عادل
مساءك الخير
أغسطس 3rd, 2009 at 3 أغسطس 2009 11:18 ص
عم عادل
والله انك فنان ولك مستقبل فيالاعلانات الجذابه…
بتجيب الواح على ملا وجه؟
المهم بلاش تجيب سيره المدونين وتوديهم بداهيه احسنلك.
وبلاش زيارات تفقديه احسن يراقبوك وين بتروح ويصيدوا السمكه والصياد؟
ع كل حال الاردن بعيده شويه…
بس والله لو اجيت الاردن لاتلاقي احلى مفاجأه بحياتك؟
فكر وفكر؟
كن بخير
أغسطس 3rd, 2009 at 3 أغسطس 2009 11:25 ص
المدونين فى خطر يعنى…؟
ليه يا عم عادل ..؟
ده الدنيا جميله والحياه حلوه وكله تمام التمام
وبعدين طالما القلق م السياسه يبقى بلاش منها
ونسيب العيش لخبازه أحسن (^_^)
بلاش نتكلم فى اللى مالناش فيه
وانا شخصياً لا باحبها ولا بافهمها
ودى حقيقه للأسف…
واللى يقول لا أعلم فقد أفتى
سلام بأه ياعم عادل
أغسطس 3rd, 2009 at 3 أغسطس 2009 11:49 ص
والله انت اللى فى خطر
نافوخك لسعت ياولداه
كده انت على اول سلمة
ومادامت لسعت يبقى حصلت على التاهيل اللازم
- ممكن تبقى مدون كويس
روح وانت مدون ياعادل سعيد
أغسطس 3rd, 2009 at 3 أغسطس 2009 11:55 ص
مين ده اللى بتتكلم عنه ياحاج عادل وبتقول
معظم كلام الواد طلع صح و كسب الرهان
ياخسارة كان نفسى يكون انا
بس فرقت
انا وزنى 150 كيلو
لكن خيال حبيبى المجهول
مش لاقيه فيك حاجة منه
سيبك منهم دا مفيش غيرى
قيمة ومركز ف وظيفة ميرى
أغسطس 3rd, 2009 at 3 أغسطس 2009 11:58 ص
بس برضه انت كده مخالف
أغسطس 3rd, 2009 at 3 أغسطس 2009 12:47 م
وماتعملش فيها المفتش كرومبو
اللى انت باعته يتحرى ده جانى
وعكمته 100 جنية غير العشاء عشان يقول لك اللى انا عاوزه
وانا ركزت معاه على حكاية الوزن 90 كيلو دى
بالذات عشان اعرف هتشربها والا لا
أغسطس 3rd, 2009 at 3 أغسطس 2009 12:52 م
لا والمخبرين كتار اليومين دول
اسكت مش شعبولا بيقول-انه اكتشف ان فيه مدونيين فى مكتوب بياخدوا فلوس من مكتوب عشان يشوهوا الفكر العربى
يعنى مكتوب متهم
يظهر ان الصدمة كانت جامدة
بيقول
——————-
عرفنا أن هناك أقلام تقبض أتعاب من مكتوب
سنطالب بقائمة من أسماء المشعوذين اللذين لهم دور عدائي للفكر العربي وضد الأنسان العربي لأظهاره بالمظهر الغير لائق وههم يتقاضون رواتب نظير هدمهم لأخوانهم المدونين
أغسطس 3rd, 2009 at 3 أغسطس 2009 12:53 م
وهو يعنى مليون دولار على المقالة قليل ياحاج عادل
انا راضى ذمتك
أغسطس 3rd, 2009 at 3 أغسطس 2009 12:58 م
انا عارف ان انت وهيثم بتقبضوا خمسة دولار من مكتوب
وهيثم ياعينى كل يوم مقالة عشان مصاريف العيال
بس مليون مرة قلت له سيبك من معارضة الحكومة ماتوكلش عيش
وركز على مهاجمة الاعلام والعلماء زى شعبولا
تكسب المليون
أغسطس 3rd, 2009 at 3 أغسطس 2009 1:07 م
المدونين في خطر حقيقي
بس مش من الدول
منهم ومن بعض
يعني لسه التدوين العربي في مرحلة الحبو
لما بصبح قوة حقيقية …ممكن يزبط توقعك
أغسطس 3rd, 2009 at 3 أغسطس 2009 1:08 م
اليوم التركيز عندي متدني
ممكن أرجع بعدين للتعليق؟؟
شكرا ألك على الموافقة
يسعد مساك
أغسطس 3rd, 2009 at 3 أغسطس 2009 1:22 م
ربنا يجعل كلامنا خفيف عليك يا عم سيد
أغسطس 3rd, 2009 at 3 أغسطس 2009 1:22 م
انا مش فهمة حاجة خاااااااااااااالص
- معلش انت عارف الناس بتوع اسوان فهمهم بطىء
- طيب لما ارجع من الشغل ابقى اقرا تانى يمكن افهم
-
أغسطس 3rd, 2009 at 3 أغسطس 2009 1:22 م
ام ليث
مش المدونيين وحياتك
دى المجتمعات اللى بتخنق نفسها بنفسها
وتنادى بالحريات وهم مش عاوزين حريات اصلا
المدونيين مجرد صورة على سطح المجتمعات
وفى الاعماق
هتلاقى
بوكو حرام
وكلاشينكوف منتظر الفرصة
اللى احنا شايفينه هنا مجرد مداعبات
وزؤزو زعلان من بؤبؤ
أغسطس 3rd, 2009 at 3 أغسطس 2009 1:32 م
اخي عادل
دائما لمقالاتك هدف وتسعى لتحقيقة
طريقة عرضك جميلة
لك كل التقدير
أغسطس 3rd, 2009 at 3 أغسطس 2009 1:40 م
@@
@@
@@
أيه الحكاية يا أخوانا
الزوار كتير و محدش بيقرا و لا أيه
؟؟؟
فيه فوازير و فيه جوايز ….
مين هما الأتنين موضوع الحوار بتاع عم سيد
؟؟؟؟
و مين هما التلاتة اللى بعدهم
“”
؟؟؟
أغسطس 3rd, 2009 at 3 أغسطس 2009 1:44 م
الجايزة الأولى
“”"”"”"”"”"”"
خمس أعلانات ولعة …
الجايزة التانية ..
“”"”"”"”"”"”"”"”"
تلات مقالات محورية …
الجايزة التالتة
“”"”"”"”"”"”"”"”"”"
سبع تعليقات و ..
أستيك
الجايزة الرابعة ..
“”"”"”"”"”"”"”"”"
خمس أصدقاء جدادو …
نصيحتين ….
الجايزة الخامسة ..
“”"”"”"”"”"”"”"”"
تلاتة زجل من كعب الدست …
“”"”"”"”"”"”"”"”"”"”"”"”"”"”"”"”"
تقدم الأجابات خلال 24 ساعة
و الفائز بأقدمية الجواب
“”"”"”"”"
سلام
“”
أغسطس 3rd, 2009 at 3 أغسطس 2009 2:09 م
ياخوفى منك يابدررررررررررررررررررران
-
أغسطس 3rd, 2009 at 3 أغسطس 2009 2:17 م
من التعليقات الظريفة اللى سمعتها من المدون الأول …
اللى عم سيد سمع الكلام عنه
الجدع ده اللى يشبه بلد …
بيقولى أيه بقى المدون رقم أتنين ….
الجدع ده و الله كويس قوى و دماغه جامدة و متكلفة
لكن فيها شوية صراصير …
لو بس يشيل شوية الصراصير دول
كان يبقى مية مية
“”"”"”"
أغسطس 3rd, 2009 at 3 أغسطس 2009 2:27 م
و هو برضه بيقولى أيه على رقم تلاتة ….
الراجل ده فعلا لو وصفته بكلمة واحدة
ح أقول ” محترم ” .. محترم مماجميعه ..
بمعنى الكلمة ..
و رغم أنه قال جملة واحة تعليق ع المقال الأخير اللى عمل دوشة و معجبتنيش خالص و أثارتنى كتير …
برضه بقول ..
عشرة على عشرة ..
معرفش أقول تسعة أبدا …
“”"”
“”””””””””
أغسطس 3rd, 2009 at 3 أغسطس 2009 2:28 م
عنه بقى …
عنه المرادى
موش هو اللى بيقول
لا
اللى بيقول مدونة زميلة ليى شخصيا كده على جنب ..
عادل ..
هو أنت بتعرف الجدع ده شخصيا أذاى .؟
موش مجازفة شوية .؟
أنا عن نفسى ساعات أخاف أدخل مدونته …
……
..
“”
أغسطس 3rd, 2009 at 3 أغسطس 2009 3:27 م
باشمهندس عادل سعيد المحترم
**********
بصراحة ..متردد جدا فى التعليق المرّة دى !
معاك حق !!
أغسطس 3rd, 2009 at 3 أغسطس 2009 3:51 م
الحمدلله
انا ماليش فى السياسة
- يادوب بكتب اشعار رومانسية وقصص حب
ومقالات عاطفية وخلاص قضيت
- راجعالك
-
أغسطس 3rd, 2009 at 3 أغسطس 2009 4:25 م
خالو حبيبي
ما تخف شوية
كدا كلنا هنضيع
ولو جالي تعيين جامعي مش هتعين كدا
هو عم سيد دا بقى مش هيخف عنك
اوعى تعملها وتتصل بشحتة ابن اخته
أغسطس 3rd, 2009 at 3 أغسطس 2009 5:06 م
المفروض الجايزة الاولى ولاعة
باقى التعليق الاخير
هاموت لو ماكتبتوش
—-
اللى ممكن يقراه القارئ فى خلافات من نوع زؤزؤ زعلان من بؤبؤ
اما ان يقرا ان زؤزؤ زعلان من بؤبؤ وخلاص
واما ان ينظر للامر -وكاننا بنناقش خلافاتنا المتجذرة
ازاى ننظمها
وازاى كل طرف بيبلور خياراته ويدافع عنها
وايه مفروض تكون القواعد الحاكمة
خناقات النت تختلف عن خناقات الشارع والقبيلة الالدين والمجتمعات
هنا محدش بيموت زى خناقات الكرتون توم وجيرى
صحيح انه ممكن واحد صتحبنا يجي له ازمة قلبية او جلطة او نقطة
لكن مش هيموت
—
وانا اشكر اكتر ما اشكر الاخوة الممثلين للاطراف الاخرى
بصراحة هم تطوعوا باداء ادوارهم ببراعة ولا احسن
واكثر مايثير دهشتى هو الجماعة اللى بيقولوا مشاعرنا اتاذت
من ايه دا كارتون محدش بيتعور
زؤزؤ وبؤ بؤ
مش بالذمة اخترعنا شخصيتين مجسمتين دراميا بافضل من اى دراما عربية
أغسطس 3rd, 2009 at 3 أغسطس 2009 6:07 م
شو في!
مش فاهمة شي يا حضرة الباشمهندس..
معقول صاير مخي تخين لهدرجة!
يلا برجع بعدين يمكن افهم شو الحكاية !
سلام
أغسطس 3rd, 2009 at 3 أغسطس 2009 6:09 م
اخى العزيز الاستاذ عادل
يهمنى رايك الحيادى فى جديدى
إسلامنا المزعوم و تعدد الزوجات
مع الشكر
أغسطس 3rd, 2009 at 3 أغسطس 2009 7:18 م
عادل سعيد
مساؤك سكر
انت بتخوفنا ولا بتحذرنا
والجماعه يعرفوا دبة النملة ومتى ينمغص الصرصور
ومتى تبيض الفراشة؟
شو يعني؟
الديمقراطية موجودة
أغسطس 3rd, 2009 at 3 أغسطس 2009 7:20 م
القمرية قمرية
ما دخلها بسكان الارض
تكتب للقمر وللنجمات السعيدات صديقاتها
وتبعد عن كل ما ينغص حياتها
لانها امرأة ويكفيها ما تعاني لكونها امرأة
هي محكومة للرجال من عائلتها والمحكوم لا يهمه
ان خربت وان عمرت
محبتي لك واعجابي بما تكتب
ايها الذكي باتقان
أغسطس 3rd, 2009 at 3 أغسطس 2009 8:12 م
باقى ايام على الشهر الفضيل………..كل سنة وحضرتك وعم سيد وشحته وزمايلك الفوازير وزوارك الكراااااااااااام بخيييييييييييييييييييييير.
أغسطس 3rd, 2009 at 3 أغسطس 2009 10:45 م
يعنى الخلاصة ان سيد مختار سعيد وبيقول انه رجع مقالات الخرائيات الشيطانية
ده اختيارك
مبروك عليك
تحذفها انت او تخليها او مكتوب تحذفها او تخليها
تفرق معايا فى ايه
لا انت ولا مكتوب يفاوضونى على الحذف او الاعادة
انا ارسلت ايميل واحد
واحد وحيد من اكتر من سنة لمكتوب
غير كده استخدمت ابلغ عن اساءة كتير
وصممت الا ارسل لمكتوب تانى
ده وزن الموضوع عندى
انت متصور انه شئ هائل او فضل منك
لا امضغها
وانت هنا بتشهد ان ادارة مكتوب يقبلون التشهير
وان مكتوب كذابين انهم بيقولوا انهم حذفوها بانفسهم
وان ادارة مكتوب لاتستطيع حذف مااعتبرته سفالة فى مقالاته
وسارسل لهم شهادتك وادعاءاتك
ويتحملوا مسئولياتهم
وانت تتحمل مسئولياتك بالحذف او بالعادة
انسى ان تلاعبنااو تهددنا او تفاوضنا بالوساخة
اشربها لوحدك
وكونك تعيدها ليس دليلا ان مكتوب لم تحذفها
ممكن تعيدها بالليل وتحذفها بالنهار بس عشان تبيه الهوا لعادل سعيد
وحياتك نشرها لايدل على شئ
وحذفها لايدل على شئ
انا عايزك تمضغها ياسيد
——————————–
واكتر حاجة عجبتنى من الحاج عادل سعيد
حكاية البرهان دى
لقد اقمت البرهان الساطع
على ايه
برهان الخرائيات
يااه على اليقين الساطع بقى
لو انتو بتاكدوا ان مكتوب كذابين نسالهم قبل مانتهمهم
سيد مختار عفريت الخرائيات وفار مدونات بيطلع توماتيكى
فزورة ازاى فار مدونات بيطلع مقالات بعد مااتحذفت
لا وفخور قوى
والحاج عادل بيقول له طيب يوم والا حاجة وابقى احذفها
خلاص خدنا البرهان انك فار لايقهر
وان مكتوب بيكذبوا ومايقدروش يحذفوا لك ادراج
عرفت ليه بقى ياحاج عادل انا ليه رفضت التفاوض على لعبة الحذف والاعادة لا مع سيد مختار ولا مع مكتوب
لانه مش ممكن تتفق مع فار
بيفاوضك على وساخته
وفخور بيها قوى
وحياتك لتمضغها ياسيد
——————-
عايز تثبت ايه ياسيد ان وساختك خارج او فوق القانون
وان وساختك بايدك ومحدش يقدر يحذف لك خرائياتك الشيطانية
عادل سعيد بيقبل البرهان الساطع على كده
انت اللى يهمك عادل وهيثم
بس دول مش مشكلتك
مشكلتك انى لم اقبل ولن اقبل اللعبة دى
أغسطس 3rd, 2009 at 3 أغسطس 2009 11:06 م
فى الاخر هتفرق ايه
خرائياتك
تمسحها او تفتخر بيها
دا اختيارك
ومكتوب يحذفوا خرائياتك او مبسوطين بيها
دا قرارهم
انا باتفرج وبالعب شطرنج
مش قلت لك م الاول مش هالعب الا لعبة المسئولية
كل واحد يتحمل مسئولياته
واديك مشنوق
ترجع الخرائيات مشنوق
تحذفها مشنوق
وانت اللى بتعمل فى نفسك كده
—-
للناس بتوع خناقات يااى ياماما
شوف والنبى ممكن اختيارات الواحد تعمل فيه ايه
مش قادر يمشى ومش قادر يستنى زى ماكان مدبولى بيقول
دا المستفاد
انما سيد مختار وخرائياته هتفرق ايه معايا
أغسطس 4th, 2009 at 4 أغسطس 2009 4:41 ص
اهم شئ
انك لم تحقق هدفك من النشر معادلة الارهاب بالخرائيات
ولن تححقق هدفك باللعب بالحذف او اعادة النشر بان نقايضك على ذلك
لان المعادلة اصلا مرفوضة وهى ان تستخدم الطعن فى الدين والعرض للارهاب او التفاوض
وكونك عاوز تخفى ان المقالات اتحذفت بامر من مكتوب سواء احذفتها انت ام مكتوب دا يكشف انك ضعيف
وخائف
وفاشل
وكونك تعيدها لتفاوض مكتوب مرة اخرى
دا شئ لايخصنى
الخرائيات لم تعد المشكلة
معادلتك الفاشلة المرفوضة هى الاساس
لن نقبلها
أغسطس 4th, 2009 at 4 أغسطس 2009 8:49 ص
صباحك بخير
اجيت اطمئن عليك
لسه موجود؟
أغسطس 4th, 2009 at 4 أغسطس 2009 10:53 ص
ياااااااااااااااااااه أنا عرفت
ولي الجائزة الأولي …
الأول :
هيثم أبوخليل …!!!!
بس أنا عمري ما كبيت سمنه علي الأرض ده الكيلو ب 40 جنيه …!!!
أغسطس 4th, 2009 at 4 أغسطس 2009 10:54 ص
التاني الفيل …!!!
صح … !!!!
أغسطس 4th, 2009 at 4 أغسطس 2009 10:56 ص
وبعدين من قال لك أني بتاع اللون الرمادي
انا بتاع اللون البمبي المسخسخ …!!!
ومتصنف من زمان أني
مصري وفقط ..؟
أغسطس 4th, 2009 at 4 أغسطس 2009 10:57 ص
بس يا عم عادل :
من راقب الناس مات هماً
سيبك مني أنا والفيل ….
وراقب نفسك وهذا أضعف الإيمان
أغسطس 4th, 2009 at 4 أغسطس 2009 11:10 ص
هو أنت ما فيش حد عاجبك …؟
المهندس عادل سعيد
نفسي أقول :
الحرية للمدون الكبير عادل سعيد …!!!!
أغسطس 4th, 2009 at 4 أغسطس 2009 11:42 ص
اصلا المقالة دى مقتبسه
وعادل سعيد لم يذكر مصدر الاقتباس
وهو اغنية فريد الاطرش
ماقال لى وقلت له
ياعوازل فلفلوا
أغسطس 4th, 2009 at 4 أغسطس 2009 11:48 ص
المهندس عادل…
أنا تقريباً عرفتهم…
بس المستفز إذا كنت خمنته صحيح - … والله ولا مستفز ولا حاجة… يمكن هو بيحاول يكون منظم، وبيحاول يكون محترم، وبيحاول يكون سعيد.
يمكن أحسن وصف توصفه بيه، إنه منضبط وجاد.
وربك حليم ستار.
أغسطس 4th, 2009 at 4 أغسطس 2009 3:24 م
@@@
@@@
@@@
@@@
بجد الزلاء الأعزاء اللى بيقولوا ماحنا فاهمين
؟؟
هو انا كاتب معادلات كيمياء يا اخوانا
يمكن اللى موش متبع عم سيد من أول ” تظبطنى .. أظبطك ..”
و لو برضه ..
ما علينا ..
عامة ..
على يمينك فى التصنيفات ..” مع عم سيد ”
“”"”"”"”"”"”"”"”"”
http://mahrosa.maktoobblog.com/category/%d9%85%d8%b9-%d8%b9%d9%85-%d8%b3%d9%8a%d8%af/
“”"”"”"”"
أغسطس 4th, 2009 at 4 أغسطس 2009 3:29 م
أيمان حلمى
“”"”"”"”"
حلوة بجد قاعة وسطيهم و موش شايفينك
خلى بالك لا تتقفشى
الموضوع خطير
“”
أغسطس 4th, 2009 at 4 أغسطس 2009 3:31 م
ما يغرك الشهادات كتير بكون في مرافق للشهادات مخ تخين..
طيب مش تحكيلنا عنوان عمو سيد خلينا نروح نزبطه حتى يتوصى فينا!!
سلام لاروع اخ بالدنيا..
أغسطس 4th, 2009 at 4 أغسطس 2009 3:31 م
عماد
“”"”"
هو انا عبيط يا ابن عم لطفى
؟؟
أزورك النهاردة فى الفيس بكرة
بكرة أزورك فى المنصورة
بعده أبقى معاك عند الواد شحتة
ابن اخت عم سيد
“”
أغسطس 4th, 2009 at 4 أغسطس 2009 3:34 م
بطة عبابنة
و ليه لأ
؟؟
ممكن فعلا أعمل رحلة مع أولادى لبنان سوريا الأردن
والدى عملها من تلاتين سنة و كانت روعة
أحلى من تركيا
ع الأقل ناكل عندك ببلاش
أغسطس 4th, 2009 at 4 أغسطس 2009 4:01 م
نيفين
“”"”"”"”"”
أيه حكايتك
أنت و بنت خالك
و لا أنتى اللى بنت خالها
المهم
عائلة لا تحب السياسة
موش لازم تخوضى فيها قوى لكن ..
هناك حد أدنى من السياسة الكل لازم يمارسه أبسطه …
الأنتخابات ….
مثلا ….
موش ساعات بتقابلى مشكلة فى التعليم ..
ده سياسة
موش أحيانا تحدث أزمة غذائية ..
دى سياسة ..
موش كتير نلاقى شباب من غير شغل ..
دى سياسة ..
أصلاح السياسة هو أساس كل خير لأى بلد لأنه يأتى بالحريات و منها …
العدالة …
و
و
و
و
و
تحياتى …
“”"”"”"”"
أغسطس 4th, 2009 at 4 أغسطس 2009 4:04 م
الفيل
“”"”"”"
يعنى مثلا
تفتكر مثلا
يعنى مثلا
و لنفرض مثلا
حضرتك
ح تعرف
وزنك
أكتر
م الحكومة
؟؟؟
“”"”"
أغسطس 4th, 2009 at 4 أغسطس 2009 4:08 م
الفيل
“”"”"”"
و الله أنت اللى جبته لنفسك
و وقعت ف الخية ..
أنا بقى عكس ناس كتير
برضى ذمتك و واثق فيها
أحلفلى أن وزنك المتوسط يبعد كتير عن 90 كيلو ..
و أنا أوعدك
و أقسملك
بغلاوتك عند سيد مختار
أفصلك الواد شحتة فورا
“”"”"
أغسطس 4th, 2009 at 4 أغسطس 2009 4:10 م
الفيل
“”"”"”"
أيه مخالف دى ..
؟؟
هو انت دكتور ف المرور و لا أيه
؟؟؟
أغسطس 4th, 2009 at 4 أغسطس 2009 4:12 م
تصور عندى أحساس أن المقال موش عاجبك كتير …
أيه رأيك
؟؟
بالله عليك أتكتب عليك مقالات و كمان مدونات مخصوص ياما و شوية عمرك شوفت ذى ده أبداع
؟؟
أنا بقى الأولى بجايزة الدولة و لا حلمى سالم
؟؟
ما علينا
على فكرة
أنا لو مكانك أقاطع هيثم أبو خليل مدى الحياه …
اللى بيقول على دماغك الكلام ده
“”"
أغسطس 4th, 2009 at 4 أغسطس 2009 4:15 م
يا راجل خمسة دولار
دانت حطيتنا تحت خط الفقر التدوينى
ده بقى اسمه
تدوين مدقع
أغسطس 4th, 2009 at 4 أغسطس 2009 4:17 م
رائدة
“”"”"”
فعلا و الله كتير م المدونين خطر على الكل و على المجتمع
شوفى
مكتوب ده عبارة عن مجتمع عربى
غلطان اللى يسميه بتاع المثقفين و لا المتنورين و لا غيره
به كل أطياف
عيوب و مزايا المجتمع العربى
صورة مصغرة منه
بكه كل المتناقضات
المخلص و العميل
المنافق و الصادق
الحكيم و العبيط
و هكذا
ربنا يسترها
تحياتى
“”
أغسطس 4th, 2009 at 4 أغسطس 2009 4:19 م
النورس
“”"”"”"
ما تخاف يا نورس
بينك و بين عم سيد
جبال و بحور
انت احسن حالا
أغسطس 4th, 2009 at 4 أغسطس 2009 4:24 م
مرام الأغوات
“”"”"”"”"”"
شكرا
لأطرائك
تحياتى
و خلى بالك من نوجا
“”
أغسطس 4th, 2009 at 4 أغسطس 2009 4:26 م
هدى صالح
“”"”"”"”"”"
أخيرا وصلت
شوفتى بقى
الجبن سيد الأخلاق
آهو كده الدولة و النظام و الأمن
أدخل الجحور منك له لها
قصص عاطفية
كده تكسبى يا هدى
و تتعينى ف أخبار اليوم بتاع القط
أغسطس 4th, 2009 at 4 أغسطس 2009 4:30 م
أستاذ عادل حجازى
كتبتلك حالا
فعلا أنا كتبت حلقتين فى سنة
و اتنين فى شهر
بجد من الحاجات اللى شجعتنى كتير رأيك و تشجيعك
و انت راجل متخصص و فاهم
شوفلى شغل بقى
“”"”
أغسطس 4th, 2009 at 4 أغسطس 2009 4:32 م
الفيل
“”"”"
انت بقى يا فيل
زوء زوء
و لا بوءبوء
؟؟
أغسطس 4th, 2009 at 4 أغسطس 2009 4:34 م
هيثم
“”"”"”"”
أنت كده حليت اتنين من خمسة
يعنى مانجحتش أصلا
موش تكسب جايزة
أقرا التعليقات التلاتة
“”"”"”
“”"”"”
أغسطس 4th, 2009 at 4 أغسطس 2009 4:35 م
الحرية للمدون عادل سعيد
؟؟؟
دى بعينك
عم سيد موصى عليى يا حبيبى
شحتى ابن اخته
فى الآوت دى
لا
دى فى المدرجات يا زعيم
“”"
أغسطس 4th, 2009 at 4 أغسطس 2009 4:41 م
الفيل
“”"”"”
على فكرة أسلوبك ده لا يحمل إلا مبدءا واضحا و هو ما تكرس لمناهضته كثيرا من قلمك …
” رفض الآخر ” ..
عندك أزدواجية
؟؟
؟؟
سيد مختار غلط ..
سيد مختار وحش
سيد مختار صفته
مهما كان رأيك الشخصى فيه
الفيل مثال لقطاع من الشعب
و سيد مثال
و عادل مثال
يعيشوا مع بعض
و لا صنفين منهم نوزعوهم ع الصومال و رواندا
؟؟؟
و يبقى الفيل وحده
؟؟
يعنى مثلا
غيرى مختلف
و غلط
ووو
لازم ألغيه تماما
أعدمه رميا بالرصاص
؟؟
أغسطس 4th, 2009 at 4 أغسطس 2009 4:49 م
قبول الآخر
هو ما تنادى به دوما
و لكن منهجك هذا يختلف تماما
عارف و الله حضرتك ح تقولى موش مشكلة سيد مختار
مثله كثير هذا مثال …
أنا عايز كل مدون يكون مسئول عما يكتب
يتحمل المسئولية
و الله كلام جميل
طب و اللى يخالف
؟؟
اللى يغلط
؟؟
نرفده م الفصل بعد ما نقوله اقف للحيط و ايدك فوق
؟؟؟؟
هات الدليل
معاك دليل
؟؟
هو مجرد الحذف موش ده معناه تراجع و لا أملك دليل
و هى الشتائم أصلا محتاجة دليل
شتيمة و خلاص
طبعا غلط
و سيد غلط لما بدأ فى الأسلوب ده
و غلط كمان لما نفتح صفحة جديدة و المقال موجود
و هو بقى حذف
مكتوب اللى حذفت
موش ده كلامك
؟؟
“”"”"”
“”"”"”
“”"”"”
“”"”"”
أغسطس 4th, 2009 at 4 أغسطس 2009 4:55 م
@@@@
@@@@
@@@@
@@@@
أنا مدونكم الأعلى ….
أنا شجيع مكتوب …..
@@@@@@@@@@@@@@@@@@@@@@@@@
@@@@@@@@@@@@@@@@@@@@@@@@@
أعتقد يا فيل هذه هى الرسالة الحقيقية التى تريد توصيلها و لا أيه
؟؟
و الله صدقنى أنا تعاطفت معاك كتير ..
و شاهد على أهانات كتير وجهت لك دون سبب منطقى و لا شىء موضوعى
معرفش بتستحمل كل ده أذاى
ما شاء الله ربنا يقويك كمان
و عمرى ما اقبل الغلط و لا التجاوز و لا أشهد إلا بالحق
من وجهة نظرى طبعا
و عايز رأييى
كفاية كده
و أنا قفلت التعليق فى الموضوع اللى فات و بالصفة و الله لقيت آخر تعليق ..
معقول …
أو …
ACCEPT
يا ريت نتوقف بقى
و الجهد و الوقت اللى يعته
ماراحش سدى
أكيد كل الناس على قد برضه ما اتقرفت
برضه أستفادت
أنا أغلقت التعليقات فى اللى فات
موش عايز أقفل ده كمان
تحياتى
و سلاماتى
و طيباتى
و مخابراتى
“”"”
أغسطس 4th, 2009 at 4 أغسطس 2009 5:03 م
والله ياعادل انه مافى حد بيودى سيد مختار فى داهية غيرك
وعمال تدفعة للاستمرار فى الغباوة بشكل مش معقول
طيب دا حتى عرباوى لم يكلمه عن برهان ساطع ولا انت عملت اللى عليك
وكونك مشفق عليه من ان يعلن بوضوح انه كان يفبرك اتهامات باطلة متناقضة وافك لى -وتعتبر ذلك اعداما
فما تدفعه انت اليه بالطبطبة اسوا
فهو ممكن ان يعيش حرا لو اعلن انه لفق اتهامات كيدية لى لكنه لايستطيع ان يعيش وهذا الحبل من مسد فى رقبته
وهو ممكن ان يعيش افضل لو تخلص نهائيا من الخرائيات الشيطانية- لا ان يعب بها ويطلب ثمنها زى اى عيل صايع ماسك رقبة قزازة
صدقنى ان حنانك -هو اللى بيدفعه للاستمرار لانه لم يجد قبولا لهة اللعبة كبرهان ساطع الا منك
وانت اللى اقنعته انى ممكن ادفع ثمنا لخرائياته
فسيد مختار مواطن بالتاكيد
ومالناش عنده غير كده
ف الاول انتقدناه على مقالتين مسروقين وتخصصات مهلبية
والان لنا عندهان يخرج من الخرائيات الشيطانية اللى وضع نفسه فيها
فلاتلمنى ان سيد مختار بيلف الحبل حوالين رقبته بنفسه
وجه اللوم له هو
فاذا كان سيد مختار يمثل قطاعا من حمقى وكذابين ومكفراتيه واصحاب افك فى هذا الشعب
فطبعا هو واحد من الوف الالوف
وهو اللى اختار الدور لنفسه
انا لم اضعه فيه تعسفا
فقل له ان يغادر هذا الدور
لاتقل لى انت طالب اعدامه
قل له ان يفلت بنفسه ويحررنفسه من الكذب والافك
هو ده اللى بينى وبين سيد مختار
واضح لايقبل بهتان الحنية
وانا لو عاوز الغى سيد مختار لكنت كتبت انه كافران امه يهودية و كذا وابوه كذا وانه جاسوس ومسيحى ويهودى ووو وووو
دا الغاء ياعادل
شوف مين اللى بيمارسه ووجه كلامك له
والا برضه انت مش واخد بالك
الكلام منشور فى مدونتك مش بعيد عشان تقول مش شايف
فسيد مختار بدون هذة النقاط المحددة انا مالى وماله
وانت اعترفت انى التزمت بالاتفاق وهو خانه
يعنى انا معترف له بحقه كمواطن يعيش فى سلام عندما يختار ذلك ويغادر موقع الفار السكران اللى ماسك رقبة قزازة
أغسطس 4th, 2009 at 4 أغسطس 2009 5:10 م
وكونك تقفل تعليقات على اتهامات وافك قذر دون ان تشهد على البرهان التانى زى البرهان الاولانى وتقول له دا انا اللى عاوز الغيه
فانت حر
دا اختيارك
مع السلامة
أغسطس 4th, 2009 at 4 أغسطس 2009 5:28 م
هى كلمة واحدة ونهائية
المسئولية هى المبدا الوحيد اللى ممكن اقبله
غير كده مفيش
واللى حولين رقبته حبل نجاسه يفكه بنفسه وعلى مسئوليته
دا تمن الافك والنجاسة والتكفير
وكل من يفعلها سيجد نفسه يستجدى الرحمة
ولن نجيبه
أغسطس 4th, 2009 at 4 أغسطس 2009 9:18 م
عادل بك سعيد
- لامؤاخذه انا لا اخاف الا من ربنا وحده لاشريك له
- لآن الكلمة امانة وهنتحاسب عليها يوم الدين
- وبعدين هى الحكومة بتجرى وراء المدونيين وسايبة
الحراميين ؟؟؟؟؟؟ خلاص بقينا احنا المجرميين؟
-
أغسطس 4th, 2009 at 4 أغسطس 2009 9:20 م
وانا لو كنت بخاف كنت مسحت المدونه بعد التهديد
- تحياتى
-
أغسطس 5th, 2009 at 5 أغسطس 2009 8:07 ص
((((((التصنيف ده بالعدد و لا بالكيف
؟؟
يعنى الست ممكن تدبح جوزها و تقطعه و تحطه فى أكياس و حصلت كتير
و ممكن
تشهد زور ذى ما بتقول
عامة
أراهما متساويان و ليس 7 / 1 أبدا))))
الاخ الفاضل
لا تكن متشددا فالنساء في بلادنا على الاغلب ضحايا….
كل الود
أغسطس 5th, 2009 at 5 أغسطس 2009 8:08 ص
أختنا الأولى ..
“”””””””””””””
يأتى لقب الأولى من أسمها ……
يدق جرس الباب ..” ألحقينا يا طنا .. شوفتى يا عمتو أخوكى عمل معانا أيه .. تعالى انتى بقى اتصرفى .. ” …
و بعد شوية يدق الهاتف … ” بقولك أيه .. أنا مشيت ورا كلامك و لسه جوزى ماتعدلش .. يعنى أكمل على مسئوليتك و لا أعمل أيه …. ” …
تعمل أيه المسكينة .. و كمان عندها شغل .. و الشغل ده أنسانى بالدرجة الأولى و يستنزف المشاعر و الأعصاب قبل الوقت …. و كمان لو الهواية مفيدة و مؤثرة …
يعنى هو يا ناس العقل و الحكمة كده يبقوا حمل ع الواحد .. موش برضه جوزى و ولادى لهم حقوق يا عالم ..
؟؟؟
“””
—————————-
طبعا فهمتها من الأول
حاولت أطنش وأعمل مش فاهمة
ما زبط
لازم أفند
في الدرجة الأولى ….وقتي غير مهدور بالاستشارات
حيث أنني لا أخرج من البيت إلا ما ندر جدا وعند
الوالدة حيث تجتمع الأسرة مرة في الأسبوع
2_ وقتي مخصص بالكامل لزوجي والأولاد والبيت
3- ألتقط المشاهد بالعين المجردة مما يحدث
حولي ومما أتابعه بمصادر الاتصال
4- لم أدعي الحكمة ولم أسعى لها يوما لا داخل
النت ولا خارجه ….أعمل على تكوين اسرة نموذجية
وفق قناعاتي التي تتضح من خلال ما أكتب
5- أشكرك على تخصيص جزء لي من مقالتك الشاملة
عن أخوة كبار في عالم التدوين
صباحك خير وبركة
أغسطس 5th, 2009 at 5 أغسطس 2009 8:18 ص
الفيل
“”"”"”"
و عايز تترقى وكيل وزارة
قال وكيل وزارة قال
موش كفاية وصلت مدير
بعينك
هى البلد سايبة و لا سايبة
الناس بتسمع دبة النملة
موش دبة الفيل
“”
أغسطس 5th, 2009 at 5 أغسطس 2009 8:22 ص
الواد شحتة كل اللى عمله أنه ركز معاك يوم واحد
و كان طويل
و فضلت معاه من زمان طول النهار أون لاين ….
و أربع ساعات من تلاتة لسبعة
انقطع الأرسال
ثم
عاد بعد ذلك
يعنى لا فيه عيادة صباحية و لا مسائية
مواعيد موظف صغير و لا كبير كان ما كان
بيشتغل الصبح شغل خفيف و يروح يقيل و بعد كده يكمل تانى لعبته
يمكن صدفة
الواد شحتة ده مفتح حبتين
قبل ما يقدم التقرير عاد الكرة
لقى نفس الكلام
و حكاية الوزن دى اللى جابها رءوف بك
الظابط بتاعه
عمره ما ح يترقى لوا يا ولداه لو طلعت غلط
موش ممكن تطلع غلط
أغسطس 5th, 2009 at 5 أغسطس 2009 8:29 ص
الفيل
“”"”"”
أظن …..
كفاية
“”"”"
أغسطس 5th, 2009 at 5 أغسطس 2009 9:10 ص
هى كلمة واحدة ونهائية
المسئولية هى المبدا الوحيد اللى ممكن اقبله
غير كده مفيش
واللى حولين رقبته حبل نجاسه يفكه بنفسه وعلى مسئوليته
دا تمن الافك والنجاسة والتكفير
وكل من يفعلها سيجد نفسه يستجدى الرحمة
فليرحم نفسه وليعطى الحق لاصحابه
—–
عبادة الحق غير عبادة اللات
اختلفت واحنا مش داريين
أغسطس 5th, 2009 at 5 أغسطس 2009 9:21 ص
الفيل
“”"”"”
أنت بتتكلم عن أيه بالضبط
؟؟
موش فاهم منك حاجة
؟؟
قلبك أبيض و عقلك كبير و مخك …… و لا بلاش
يا عم أنا بكلمك على الوزن
و كمان قبل الدايت موش بعده
و عن شحتة و عم سيد
تقولى كلام غريب موش فاهمه
أنت لسعت و بقيت كاتب كبير و لا أيه .؟
“”"”
أغسطس 5th, 2009 at 5 أغسطس 2009 9:24 ص
والله يضحك سنك ياعادل و انت مش فاهم ياعادل اليوم بتاع ال 3 ساعات ده
اسالنى يااخى
دا الواد ابنى الصغير كان بيلعب بالكوميوتر وبيداعبك ولابس لبس فيل
اصل كل ماحد يساله نفسك تبقى ايه لما تكبر ياحبيبى
يقول لهم -فيل
أغسطس 5th, 2009 at 5 أغسطس 2009 9:30 ص
والحاجة ام احمد السكرتيرة بتاعتى ساعات امر عليها القيها بتطقطق ع الكى بورد وتخبى مونيتور الكومبيوتر
وابص الاقيها ماسكة سيد الجن ونازلة نقرزة فيه
ياحبيبى التعليقات ببلاش
انما المقالة بمليون دولار بتدفعهم مكتوب دولار ينطح دولار
دى مابيقولوا قرود الجبلاية
أغسطس 5th, 2009 at 5 أغسطس 2009 9:34 ص
ح تراوغ .. ح اراوغك
ح تلاعب .. ح الاعبك
ح توصل لوكيل وزارة .. لأ
ح تاكل كتير و تكسر التسعين … لأ
ح تهرب من شحتة و عم سيد ….لأ
ح تعمل اللى أنا عايزه … آه
و الله المرادى غير اللى فاتت .
عندى أنا
أغسطس 5th, 2009 at 5 أغسطس 2009 9:38 ص
طب يا راجل يا مفترى تبلع مليون دولا ركلهم
و تبعتلى أنا و هيثم مع بعض
عشرة
عشرة
عشرة
طب خليهم مية
و كمان حرام تعطل مصالح الناس
موش معنى انك موش ماسك سماعة و طول النهار تمضى ورق ف المديرية يبقى شغلى موش مهم
و مفيش عيانين
ماهو فيه بره مصالح دكاترة اللى بتعالج العيانين
اتقى ربنا
أغسطس 5th, 2009 at 5 أغسطس 2009 9:39 ص
عم عادل
صبـــــــــــــــــاح الخيـــــــــــــــر
كل الود
أغسطس 5th, 2009 at 5 أغسطس 2009 9:41 ص
الحاجة ام عبير ودى من اعضاء الفريق المتكتك ع الكى بورد
بتقول لك حكمة
اخشى ما اخشاه على التدوين والشر بره بعيد
مش خايف غير من الحاج عادل سعيد
أغسطس 5th, 2009 at 5 أغسطس 2009 9:46 ص
مصالح الجماهير مش بتتعطل كلها من اختصاص عم محمود بتاع الشاى والقهوة
بيجمع كل الطلبات والمذكرات من الجمهور فى البوفيه
ويقراها كويس
ويجينى فى 3 دقائق يقول لى وقع هنا موافق
وهنا يحفظ وهنا يعرض على الشئون القانونية
وياخد حسنة من كل صاحب طلب
شفت انا منظم فى شغلى جدا
ولعلمك مفيش ورقة بتتركن ابدا
بسبب كفاءة عم محمود
وبعدين اصلا اصلا انا مش فاضى لكم
أغسطس 5th, 2009 at 5 أغسطس 2009 9:46 ص
واحدة دكتورة قريبتى جالها مريض
يقولها رحنا لفلان و قالنا علاجك غلط
فتحت السبيكر و كلمت الدكتور
و قالتله الموضوع كذا كذا
و انت قلت كده
؟؟
قالها لأ .. ماحصلش
و طبعا المريض سامع
قلتلها ليه بقى ما هزئتيهوش .؟
قالتلى يكفى أنه أنكر كلامه و سحبه
و ده فى حد ذاته أعتذار
اللين حلو
و الرفق أحلى
و التجبر وحش
وبرضه عم سيد وراك وراك
موش عاجبك تقرير شحتة
أومال لو وصلت لرءوف بيه
ح تعمل أيه
أقلها تنسحب من مكتوب و عندئذ
عندئذ
عندئذ
ترفع الزينات
و تعلق الافتات
و نتلقى التهنيات
و سلامات
أغسطس 5th, 2009 at 5 أغسطس 2009 9:50 ص
الست فريدة معايا هنا فى المكتب
بتعلق على كلامك- يغادر مكتوب بتعليق مختصر
—-
ياختى بلا وكسة
–
الست فريدة هى اللى بتحرر معظم تعليقاتى
هى متطلقة وفاضية ولاعيل ولاتيل
جوزها ابو عين زايغة طلقها قال ايه عشان مابتخلفش
بالذمة الست اللى مابتخلفش دى مش لقطة ياخوانا
ناس مابتقدرش
أغسطس 5th, 2009 at 5 أغسطس 2009 9:52 ص
ورؤف بيه بتاعك اصلا طالع معاش السنة الجاية
وهيمسك مدير امن عننا هنا فى المديرية
أغسطس 5th, 2009 at 5 أغسطس 2009 9:57 ص
الفيل–النت بتتكلم عربى قال:
“”"”"”"”"”"”"”"”"”"”"”"”"”"”"”
مايو 3rd, 2007 at 3 مايو 2007 8:41 م تحرير
“”"”"”"”"”"”"”"”"”"”"”"”"”"”"”"”"”"”"”"”"”"”
مدونة حلوة وبتلعب -مليانة حيوية -ومش محنطة -تخيلوا لو عندنا نص مليون مدونة كده -يعنى ياجماعة مفيش حكومة هتقدر تصمد قدام شعب يعمل كده ويعنى مقاومة الاوضاع الراهنة اصبحت متاحة جدا-وببلاش ومن البيت وباسم مستعار -يعنى عاوزين ايه كمان
“”"”
أغسطس 5th, 2009 at 5 أغسطس 2009 9:58 ص
سنتين عشرة يا مفترى
و تقولى دكتور و كسيب و قرشى حلو
و عايز عروسة أسكندرانية
و ف الآخر تطلع
…
موظف
؟؟؟؟
أغسطس 5th, 2009 at 5 أغسطس 2009 10:09 ص
الاستاذ حنفى-صباعى اليمين
بيقول لى
رد عليه
انا مش فاهم زى مابيعمل معاك
ياااه الكلام ده غاامض انا مش فاهمه
—-
طردت الاستاذ حنفى فورا من الفريق
سالونى ليه
قلت لهم لانه اثبت ان مش فاهم اصلا يعنى ايه فيل
الفيل يواجه على طول
معندوش تردد
دى الشخصية اللى رسمناها
—–
لما يبقى عندنا مدونات حية وبتلعب ومش محنطة
ومليون
بتفكر مش بتجتر كلام مكرر
واغلبها ضد الحريات وان نادت بالحريات
نتكلم
ياعزيزى احنا اكثر ديكتاتورية وتخلفا من الحكام
مع وجود استثناءات
—
وبعدين 2007 ياراجل
كنا لسه بنجامل وبنلعب
المراحل والخبرات والتجارب بتحل محل بعضها
أغسطس 5th, 2009 at 5 أغسطس 2009 10:12 ص
مساء الخيرات
طبعا يحق لعادل سعيد ما لا يحق لغيره
بقصد طبعا في الكتابة
شفت مدى الديمقراطية في المدونات
أغسطس 5th, 2009 at 5 أغسطس 2009 10:13 ص
مانا ماقلتلكش
مانا برضه دكتور
بس المرضى من تخصص الممرض شعراوى
هو اللى بيكشف عليهم ويعطينى ملخص
ويرجع يقول لهم الدكتور بيقول عملية
ويعملها لهم
الطب اتقدم
والمرضى بيوالفقوا لانهم كلهم تامين صحى وعلاج على نفقة الدولة
وقرار علاجهم مجانى باوقعة بعد مايوافقوا ويدفعوا المعلوم
كل شئ منظم ياحاج عادل
ماتقلقش نفسك ابد
دا انا وكيل ياحاج مش حيالله
أغسطس 5th, 2009 at 5 أغسطس 2009 10:16 ص
وبعدين باقول لك عروسة اسكندرانية
تفهمها انى عاوزاتجوز
هو الاخ مش مدون والا ايه
المفروض تفهمها وهى طايرة
عروسة اه
لكن جواز تانى لا
لا
لا
افهم بقى يامدون
أغسطس 5th, 2009 at 5 أغسطس 2009 10:20 ص
والله مفيش حكومة تقدر تصمد قدام تدوين حقيقى مبدع و ومسئول
———–
وانا لااتهرب ابدا مماكتبت 2007
برضه مسئول
———
يعنى شوف مثلا مدى الفساد اللى بامارسه فى وظيفتى ومهنتى
وعندى الجراءة انى اعلن انى احارب الفساد فى لبلد
هو ده التدوين والا مش هو
هو بعينه
أغسطس 5th, 2009 at 5 أغسطس 2009 10:30 ص
ونتحاسب
ليه لا
من حق اى قارئ انه يحاسبنى
صحيح كل مدون حر
بس مسئول
ونساله
ونتحاسب
والغلكان يقول غلطان
والكذاب يقول انا كذاب
مهوش اعدام زى مابتقول ياحاج سيد
دا شرف انى اقول انا غلطان
امال اتخلص من اخطائى ازاى
كونك تعترف انك غلطان يعنى بتتخلص من السابق وبتتطور وبتنمو
ومفيش طريقة للتخلص م الاكاذيب غير انك تقول انا كذاب
يعنى بتغادر مرحلة لمرحلة اخرى وبتنمو وتتطور وتتخص م معوقات نموك
والنجاسة والافك معوق خانق
والا انا غلطان
أغسطس 5th, 2009 at 5 أغسطس 2009 11:20 ص
حلو الكلام
نتحاسب
لكن …..
أنا مستعد كل البشر يحاسبونى
و كل ما تعلم الصبر و أتحمل مسئولية الحساب يبقى تمام ..فعلا صح كلامك ..
باتقدم
باتطور
أنا يهمنى نفسى فى المقام الأول و بعد كده أهلى و المقربين و بعدين المجتمع و البلد …
المهم ..
أنا أى حد يحاسبنى .. ماشى .
حلو الكلام
أنا بقى موش ممكن أحاسب كل الناس ..
و لا أتابع و لا منى حقى أصلا ..
ح تقول طب اللى بيشتم و اللى يكفر و كده …
ماهو لو واح يرحل اتنين يطلعوا …
يبقى المطلوب هو التعايش وسط العالم بعقوله السلية و المرية و قلوبه برضه السليمة و المرة ..
تعرف واحد يقولى النهاردة مدون عاملك أدراج مخصوص يشتمك …
لو أنا أرد عليه ح أعمل قيمة للمبدأ نفسه موش للمدون وحده
مبدأ السباب و أكله للوقت و الجهد حتى فى الرد عليه
و على فكرة ..
أشهد أنت
و قول الحق
كم أدراج من السنة اللى فاتت خاصة لسبابى شخصيا
و المشكلة مفيش فيها أى شىء من المنطق .. لا أدراجات عليها خلاف و لا تعليقات و لا غيره ..جريمة بجانى بغير جسم جريمة … واحد موش لاقى حاجة من كل ما كتبت غير كلمة أوكى .. فقط هى اللى زعلته …
أنا بقى أتحداك موش جوجل صاحبك و كان معاك ف المدرسة
هاتلى رد واحد منى و لا شتمية …
هو انت ليه ماقاطتش هيثم بعد ما بيقول عليك دماغه فيها أيه …………….
يااااااااااااااااااه .. لا لا مقدرش انطقها …
تكونشس حايف منه
لازم ترف ان هيثم ده لا يعرف عم سيد و لا شحتة و لا حتى يقدر يهوب ناحيتهم .
ماتخافش منه
“”"
أغسطس 5th, 2009 at 5 أغسطس 2009 11:35 ص
على فكرة يا اخوانا ..
الناس اللى بتقلل من شأن العلم و الدراسة و مالهاش تقدير
حتى لو مالقيتلهاش فى مصر
ح تلاقيلها فى بلد تانى
أتصل بى صديق يقولى عايزين اتنين طبيب اسنان بالمملكة السعودية واحد دكتوراة أستشارى و التانى دكتوراة تقويم
الأول راتب 20 ألف ريال + نسبة + سفر شهرى على حسابهم أسبوعين مصر و اسبوعين السعودية …!!!!
و التانى نفس الكلام لكن الراتب 30 ألف ريال …!!!
أغسطس 5th, 2009 at 5 أغسطس 2009 11:47 ص
و كمان فى قلب الشغل العادى
..
و مفيش مهنة ممتهنة قد الهندسة
السباك يا باشمهندس
الحداد و النجار طبعا مهندسين
لكن فعلا المهندس مهندس
و العلم اللى أخدناه ف الكلية لو فاهمه وقتها و استوعبته ممكن تسترجعه فى الوقت المناسب و تستفيد منه و لا ألف واحد بديل للمهندس ح يعمل كده ..
بالأمس و أنا فى الموقع
أستدعونى ..
حاجة غريبة جدا عمرهم و كل واحد عاملا نفسه أبو العريف دايما أول مرة يشوفوها ..
ده سحر و لا أيه ..
يا ساتر يا رب
اللهم اجعله خير
كل ما نحفر فى الأرض الأرض تقب تانى
؟؟
مهما حفرنا المنسوب ثابت و لو سبناها تعلى ..!!!
يا أخوانا فيه حاجة أخدناها ف الكلية أسمها .
UPLEFT PRESURE
يعنى ضغط من تحت لفوق
ييجى منين
؟؟؟
ييجى من مكان بتحفر فيه و حوله مياه أعلى كتير
نعمل أيه
؟؟
حاجة من اتنين
يا تجفف الميه حول الموقع
و مفيش ميه مفيش غط من تحت لفوق
أو
تردم المسافة اللى بينك و بين المياه علشان تبعدها شوية و بالتالى تخف الضغط عنك
المهم
شكلهم كده ذى اللى بيقرا
مافهموهاش لكن عملوها و نفعت
أغسطس 5th, 2009 at 5 أغسطس 2009 12:53 م
وانا عارفة انك رجل مجدع ومحترم
- وتعتبر اخو المدونييين كلهم
- ربنا يكرمك
-
أغسطس 5th, 2009 at 5 أغسطس 2009 2:15 م
وفقكم الله
وأرجو زيارة آخر موضوع في مدونتي
http://alaadiab2004.maktoobblog.com/922845/%D8%A3%D8%BA%D9%8A%D8%AB%D9%88%D9%86%D9%8A/
اقرأ مشكلتي وحاول تساعدني
أغسطس 5th, 2009 at 5 أغسطس 2009 2:37 م
بردو مش باحبها هاه (^_^)
أنا حره يا سيدى
وبعدين لو كان ده الحل أى المشاركه السياسيه
عشان الإصلاح يعنى…؟
يبقى لا تعليق عندى تمام
الأمر الأخر..
أن ممكن نصلح بأشكال كتير أخرى غير السياسه وده طبيعى
ووارد جداً..
عشان كده أنا سايباها لأهلها وما أحبش أفتى فى ما لا
أفهم…وكل واحد حر
وانا وبنت خالى ما بنحبهاش يا سيدى
ودى طبيعتنا أحنا الأتنين بنخدم بيوتنا وعيالنا
ومجتمعنا أه…
لكن بالطريقه اللى نقدر نخدم بيها مش فهلوه وخلاص..!!
أنا ماسكه خط الإنسانيات وده اللى أقدر أخدم فيه
يبقى أيه اللى يحشرنى فى اللى ماليش فيه..!!!
سبحان الله…
أغسطس 5th, 2009 at 5 أغسطس 2009 6:22 م
ياعزيزى
من حق اى حد ان يتهم اى اخر باى تهمة
جاهل
غبى حمار
فاشل
لكن التهم الجنائية لا
دى لازم من خلال الجهاز القضائى فقط
ولو تلاحظ ان النقطة دى هى الاعاقة الحقيقية لتقدمنا وتعايشنا
مش ممكن نتعايش
وانت من معاك سلاح زى ده
أغسطس 5th, 2009 at 5 أغسطس 2009 6:31 م
ولما تسال واحد اتهمك بتهم جنائية انت جبت الكلام ده منين
بتستند على ايه
عشان نحل الخلاف
يقوم
يقول لك من ميكى وسمير
ويستظرف بظرافته الساطعة
يبقى لازم تدرك امرين
1- انه فاكر نفسه بيهزر الخفيف لما يطعن فى عرضك وعرض امك ودينك
2- انه معتقد ان مفيهاش حاجة يعنى
3- انه بيستهتر باعراض الناس وخصوصياتهم ولا يقيم لها وزنا
4- انه بيلاقى ناس(واحد) تقول مفيهاش حاجة ياخى ماتردش
5-هنا بتلاقى ان قانون الفيل الافتراضى انشا عشان كده لما تلاقى حد بتنطبق عليه الكلام السابق
وهو قانون افتراضى يبدا ب-اذا-
ولايمس الا من يدخل نفسه فيه باختياره
—-
وانا نفسى ترتاح ياحاج عادل من كل المحاولات
وتبطل تعطى امل للشخص الل انت بتورطه باالامل
والله مافى غير ان كل واحد يتحمل مسئولية مايكتب
مش عارف انت بتجيب التصور انه فيه حل تانى منين
أغسطس 5th, 2009 at 5 أغسطس 2009 6:40 م
من زمان وانا بانادى بالحد الادنى
وانت شاهد
ومن زمان وانا باسال عن المصدر وانت شاهد
ومن زمان قلت ياللى بتورط نفسك مش هتعرف تخرج
واعطيناه فرصة لما قلت ساتوقف لاعطيهم فرصةلمدة شهور
ثم عملنا اتفاق كنت متاكد انه لن يحترمه
ليه
لان الفار السكران اللى ماسك رقبة قزازة فى ايده وعامل روحه جن الجن -بيزنق نفسه
انت اليوم بتلومنى انه مفيش غير مخرج واحد
عاوز يخرج يخرج
عاوز يفضل يهلوس لغاية مايموت دا اختياره
انت بتتهمنى انى انا اللى زنقته
وانت اول واحد عارف انه لف الحبل على رقبته بنفسه
وانا مالى
أغسطس 5th, 2009 at 5 أغسطس 2009 6:44 م
ارجوك ان تفهم بوضوح نهائى من خبرات الموضوع
ف اليوم اللى هاقبل فيه بالاعفاء من المسئولية
ساغلق مدونتى فورا
انت بتطلب منى اغلاق مدونتى
وانا باقول لك اسف
أغسطس 6th, 2009 at 6 أغسطس 2009 9:09 ص
شفت بقى ياحاج عادل عايلك
خليتنى ارطرط عن اسرار الشغل والواد الممرض اللى باخليه يفتح بطن العيانين بتاع البوفيه اللى بيفحص طلبات الجمهور
كل ده انا قلته بحسن نيه
الا والظاهر حد وز بتوع الرقابة الشاملة علينا
وابص الاقى لك 3450 محقق جايين امس ومن الرقابة الشاملة
ايه فيه ايه
تفتيش
3450 موظف جايين من الرقابة يفتشوا
سالتهم ليه هو عدد موظفى الرقابه كلهم كام
قال رئيسهم ماهو 3450
يعنى كلكم جايين
قال ايوه
المهم
بعد ماتعشوا
مرتين
واتحينوا
وكتبوا تقرير ان الشغل عندنا ولا احلى وتمام
وان الاتهامات دى مجرد مكائد وتشويه لوجه الوكن
سالت رئيسهم
هل حد وزكم علينا
قال ابدا
احنا بس سمعنا حكاية المليون دولار اللى بتقبضها من مكتوب
قلنا نييجى نتعشى
مش قلت لك ياحاج عادل
بلدنا بخير
والخير هيعم الكل
المهم نضحك على الاردنيين دول وناخد ملايينهم مقابل شوية كلام وطقطقة كيبورد
وكله هياكل انشاء الله
أغسطس 11th, 2009 at 11 أغسطس 2009 5:07 ص
هل هذا هو التدوين في نظركم ؟
يا ألف خسارة
كنت أتمنى الترفع عن الصغائر
( كل حزب بمالديهم فرحون )
قال تعالى
( فمن عفي له من أخيه شيء فاتباع بالمعروف وأداء إليه بإحسان ذلك تخفيف من ربكم ورحمة فمن اعتدى بعد ذلك فله عذاب أليم )
دمت بود
أغسطس 25th, 2009 at 25 أغسطس 2009 7:09 م
انا موش فاهمه اي حاجه
كنت فاهمه الكلام والقصه ولكن التعليقات لخبطتني
طيب هاخد لفه بربع جنيه وارجعلك
علي فكره اغيب اغيب وبرضه مكتوب زي ما هي؟؟؟
هو ده حالنا العربي
ما علينا
كل سنه والكل طيب وبخير
أغسطس 25th, 2009 at 25 أغسطس 2009 7:10 م
انا موش فاهمه اي حاجه
كنت فاهمه الكلام والقصه ولكن التعليقات لخبطتني
طيب هاخد لفه بربع جنيه وارجعلك
علي فكره اغيب اغيب وبرضه مكتوب زي ما هي؟؟؟
هو ده حالنا العربي
ما علنيا
كل سنه والكل طيب وبخير